MOTOCENTAR - Прв избор за гуми

Кога треба да се променат зимските гуми со летни?

15.03.2014 12:08:11

Како што завршува зимата така е потребно пневматиците на вашето возило да се подготвар т.е.заменат со летни за престојниот период од пролет-лето-есен. Согласно законските прописи во РМ промената треба да се изврши после 15-ти Март. Како што се зголемуваат температурите по оваа дата така и Вие треба да си го закажете Вашиот термин за промена на гумите Зимските пневматици што сте ги возеле во изминатиот период како што сме ве информирале при продажбата не се препорачуваат да се возат на температура поголема од 8° пред се поради сигурност при возењето и не нарушување на стабилноста на возилото. При замената на зимските со летните пневматици пред се треба внимателно да се проверат во каква состојба се летните пневматици со мерење на длабината на шарата за да се констатира дека истите се безбедни за сообраќај т.е да имаат длабина на нагазниот слој од минимални 4мм за патнички и 6мм за џиповски возила. Од кога ќе се констатира дека летните се исправни за монтажа истите треба да се балансираат и тоа сите 4 тркала. Неизбалансирани пневматици може да доведат до вибрации на воланот,оштетување на предницата и лагерите и ред други делови на самото подвозје бидејќи небалансираната гума пневматик предизвикува вибрации на целото возило. Еднаш годишно е препорачливо и проверка или центрирање на предниот трап на возилото. Треба да се потенцира дека ваква промена треба да правите само во сервиси опремени со најсофистицирани апарати калибрирани по најнови стандарди каде работат обучени вработени и се нуди врвна и квалитетна услуга Исто така треба да напоменеме дека за вашите зимски пневматици најдобро да си обезбедите хотел за складирање на пневматиците во специјални услови за чување на пневматици. 

Се постави камен-темелник на новиот салон на Мотоцентар во Прилеп

20.01.2014 12:06:41

Градоначалникот на Општина Прилеп Марјан Ристески денеска присуствуваше на пригодната свеченост на поставувањето на камен-темелникот на новиот продажно-сервисен салон на реномираната фирма Мотоцентар. Имено ова ќе биде шести по ред објект на Мотоцентар кој е еден од водечките увозници и дистрибутери на гуми во Македонија. Овој продажно-сервисен салон ќе се гради на површина од 700 квадратни метри а ќе биде опремен со најсовремени машини од програмата на италијанскиот производител Juilijano за монтажа, демонтажа и балансирање на пневматици, продажен салон и кафетерија за клиенти. Воедно во новиот продажно сервисен центар ќе се нудат и сите вулканизерски услуги за автомобилските возила. Предвидено е оваа инвестиција да чини 700 000 евра, а воедно и да реализира нови дваесетина вработувања. Честитајќи им на сопствениците Градоначалникот Ристески истакна дека овој салон ќе овозможи полесен и поквалитетен пристап до услугите и сервисирањето на автомобилите, а воедно ќе ја дополни убавата слика на самиот влез во Прилеп кој неодамна токму на оваа делница се реновираше.Информацијата е превземена од http://www.prilep.gov.mk

Членовите на Специјалната Олимпијада Македонија на новогодишно дружење со Мотоцентар

15.12.2013 12:05:02

  Членовите на Специјалната Олимпијада Македонија на традиционална средбата со вработените во компанијата Мотоцентар. Во предновогодишна атмосфера на забава и дружење се пофалија и за овогодинешните резултати и постигнувања, како и за плановите за следната, 2014 година. Во рамки на програмата за општествена одговорност, македонскиот компанија Мотоцентар традиционално и оваа година ги пречека членовите на Специјалната Олимпијада Македонија. Преку организација на забавна програма и пригодни новогодишни подароци, атлетите од Специјалната Олимпијада Македонија денес во просториите на најновиот сервисно - продажен салон на Мотоцентар имаа едночасовно дружење со претставници и вработени од оваа компанија.Покрај забавата и дружењето, претставниците и членовите од Специјалната Олимпијада Македонија ги претставија овогодинешните резултати. Зад себе, во 2013 година, оставија една успешна година во која учествуваа на Светските Зимски Олимписки Игри кои се одржаа во Пјонг Јанг, Кореја. На игрите учествуваа четворица атлети кои се натпреваруваа во Алпски дисициплини и забележаа одличен успех - освоена сребрена медала во скијање на 100 метри за Димче Михајловски. Исто така, кошаркарите од Специјалната Олимпијада Македонија во изминатава година учествуваа на Европскиот Турнир во кошарка во Истанбул, Турција, каде што го освоија одличното четврто место во втората дивизија. Моментално, членовите на Специјалната Олимпијада Македонија активно се подготвуваат за следната година. Планирано е учество на Европските Летни Игри кои ќе се одржат во Белгија, каде што ќе се натпреваруваат во неколку дисциплини, и тоа: пливање, атлетика, пинг понг и бадминтон. “По традиционално одличните успеси забележани во изминатите години, можам да се пофалам и да ја споделам нашата заедничка радост од успесите во оваа, 2013 година. Нашата организација тука нема да застане. Интензивно се подготвуваме за претстојните Европски Летни игри во Белгија, каде повторно ќе се бориме за трофеи. Ја користам оваа прилика, да ги повикам сите надлежни Иинституции, компаниите, медиумите и креаторите на јавното мислење, како и сите наши пријатели активно да се вклучат во подготвителниот период и да ни ја дадат безрезервната поддршка која ни е неопходна и ни дава стимул и енергија. Ја поздравувам компанијата Мотоцентар која е наш повеќе годишен партнер во рамки на нашите активности и функционирање “, потенцираше г-ѓа. Ана Петровска, Национален Директор на Специјална Олимпијада Македонија Скопје, 15.12.2013 година 

Возење по снег

21.11.2013 12:03:37

Имајќи во предвид дека допирната површина на вашиот пневматик е со големина колку и вашата дланка, квалитетниот избор на зимски пневматици е многу важен. За да бидете безбедни кога возите по снег, треба да се придржувате до неколку едноставни правила: • Избегнувајте нагли свртувања • Избегнувајте нагли забрзувања – забрзувањето мора да биде постепено. • Избегнувајте нагло сопирање. • Секогаш одржувајте доволно растојание во однос со возилото кое е пред вас. Сопирање • За да сопрете безбедно мора да знаете да го процените растојанието кое ви е потребно за тоа.• Користете моторно сопирање, со минимално притискање и користење на сопирачката. • Сопирачките користете ги постепено, за да можете да избегнете блокирање на тркалата. • Доколку имате ABS, тоа ќе ви помогне да го спречите овој вид на блокирање, но сепак нема да влијае на подобрување на способноста на сопирање. Единствено можете да ги подобрите перформансите доколку имате зимски пневматици. Движење За да спречите пролизгување кога се движите по снег, секогаш тргнувајте полека и постепено забрзувајте. Доколку заглавите со вашиот автомобил во снег, пробајте да тргнете во втора брзина.