Откако ќе се заврши со овој чекор, целите тркала се спремаат за темелно чистење во специјална машина (Wulkan 4×4 HP). Оваа машина работи на многу интересен начин – внатре има ситни пластични микрогранули кои вртат и со тоа ги отстрануваат сите нечистотии од бандажите. Ова е особено важно да се направи бидејќи на овој начин внатрешниот дел од бадажите темелно се чисти, а на крајот се пребришуваат со крпа за да се отстранат дополнителните нечистотии (доколку останале). И да, ваквото чистење воопшто не може да ги изгребе или да ја уништи бојата на бандажите.

За оваа работа се користи една од најдобрите машини – Road Force Elite која што нуди дијагностичко балансирање на гумите, а тоа значи дека симулира притисок како да возите по улица и благодарение на тоа балансирањето на тркалата е перфектно.

Детално чистење со специјална четка на главчините на автомобилот, каде се поставуваат тркалата, а за овој чекор исто така се користат квалитетни средства и алати. Ова е исто многу важно да се направи бидејќи тука се собираат огромни нечистотии кои може да доведат до залепување и потешко вадење на тркалата. Пред да се монтираат има уште еден чекор – главчините се премачкуваат со специјална бакарна маст која ги заштитува и тркалата и главчините, а воедно и вадењето на тркалата наредниот пат ќе биде полесно.

На крајот откако тркалата се монтирани, се нанесува средство кое ги заштитува пневматиците и навртките се затегаат со момент-клуч. Уште една интересна работа е ласерската проверка на длабочината на шарата на пневматиците. Ова е идеално да го направите пред менување на зимските пневматици со летни и обратно, а на тој начин ќе знаете дали пневматиците ќе може да ги користите и следната сезона или ќе треба да набавите нови пневматици.

Hunter Revolution Tyre Changer машината ги користи најновите технолошки иновации и е целосно автоматизирана. Па затоа, на овој начин се избегнуваат оштетувања при монтирање и демонтирање на пневматиците. Исто така, има специјална програма која ги „масира“ пневматици, a ова најчесто се користи за Run Flat пневматици со што се овозможува подобро и поквалитетно монтирање.

Бандажите Ви се искривени? – не се секирајте, во Motocentar Gallery е достапна и врвната Atek Professional Pangea машина која работи автоматизирано и перфектно ги исправа и ги корегира искривените бандажи.